Ginawadan kan Philippine Normal University nin digring Doctor in Physical Education and Sports, Honoris Causa, an dating kampyon sa boksing na si Manny Pacquiao kan nakaaging Miyerkules, Setyembre 16.
Itinao an nasabing pagbisto sa ika-125 Anibersaryo nin Pagkakatindog kan unibersidad bilang pagmidbid sa saiyang dakulang ambag sa isports asin sa pagigin inspirasyon sa mga Pilipino.
Sa saiyang diskurso, ipigheras ni Pacquiao na an disiplina asin mga leksyon hale sa isports an nagtabang saiya tanganing maghingoa asin makipaglaban sa mga hamon kan buhay.
Ipinahayag man kan kampyon na an tunay na edukasyon dapat nagpapatalubo sa karakter, liderato, asin pagkatawo nin sarong indibidwal.
Pig-inkaminar ni Pacquiao an mga jovenes na Pilipino na padagos na mangarap nin dakula, magpakumbaba, asin gamiton an kapangganahan tanganing makatabang sa kapwa.
