NAGA CITY– Gadan ang sarong padre de pamilya makalihis pagbabadilon kan dai pa nabibistong suspek sa Brgy Poblacion 2, Sariaya, Quezon.
Binisto an biktima na si Darwin Vidal, 38 anyos.
Sa nagunong impormasyon kan Bombo Radyo Naga napag araman na nakatukaw sana sa saiyang food cart an biktima kan bigla ining ranihan kan dai pa nabibistong suspek asin tulos na pinagbabadil.
Huli digdi nagsapo nin tama sa manlaenlaeng parte kan saiyang lawas an biktima na tulos idinalagan sa ospital alagad ideneklarar ining dead on arrival kan mga doktor.
Makalihis an insidente tulos mang nagdulag an suspek lunad kan saiyang getaway vehicle.
Sa inisyal na imbetigasyon kan mga otoridad sa lugar na pinangyarihan kan krimen nakua digdi an limang basyo nin calibre 45 badil asin sarong bala.
Sa ngunian, nagpapadagos pa an imbestigasyon kan mga otoridad manungod sa nasambitan ng pangyayare para sa posibleng pagkakabisto asin pagkakaaresto kan nagdulag na suspetsado.
