Nahahadit an mga kajovenan sa nararani na social media ban sa Australia na mapuon Disyembre 10, kun saen ma-deactivate an labi sa sarong milyong account kan mga menor de edad sa manlaen-laeng pangenot na social media platforms.
Obheto kan gobyerno na maprotehiran an mental wellbeing kan mga kajovenan, alagad natatakot an nagkapira na mas makakaraot ini kaysa sa makatabang.
Sigun sa mga kajovenan sa nasyon importante an social media komo safe space asin paagi tangani makahanap an komunidad, orog na sa LGBTQIA+.
Sinaysay man ninda na an social media an sainda nang nagin “lifeline” tangani na labanan an bullying asin homophobia.
Basado sa 2025 Headspace National Youth Mental Health Survey, 37% kan kajovenan an nahahadit sa isolation, mantang 35% an natatakot mawalat sa social trends.
Sigun man ki Nicola Palfrey kan Headspace na kaipuhan pa man kan alternatibong paagi tangani makakonekta an mga kajovenan offline.
Nahahadit man sinda sa oras kan implementasyon, na kasabay kan anom na semanang summer break, kun nuarin mas didikit an interaksyon kan mga kajovenan sa saindang mga amigo.
Bagaman may nagkapirang kajovenan na makaka-adjust sa pagbabago, kadakol pa man an posibleng maapektaran an mental health huli sa limitadong paggamit laban sa pag-ban kan social media sa nasyon.
