Pinagpepreparan na kan Bureau of Immigration an pagbulos kan piglalaomang 110, 000 biyahero ngunyan na holiday season.
Piglalaoman kaya kan ahensiya ngunyan na taon an mas halangkaw na numero kan mga pasahero na maabot asin mahali sa nasyon kumparar kan nakalihis na taon asin piglalaoman na malalampasan kaini an naikurit kan nakalihis na pre-pandemic.
Sigun ki BI Commissioner Joel Anthony Viado, an weekend arrivals kan nakalihis na taon an nasa average na labi 53,000 kada aldaw mantang an departure an nasa 43,000.
Tangani man na masierto an marhay na operasyon sa mga palupadan, sinaysay ni Comm. Viado na mapautob an BI nin mga lakdang siring kan pagmamantinir nin full deployment kan mga frontline officers sa kasagsagan kan peak season.
Nagdugang na man soboot ino nin mga personnel tanganing mamantinir an marhay na hiro kan mga pasahero.
