NAGA CITY – Pigtawan-duon kan sarong Propesor sa siyudad nin Naga na bakong solusyon sa problema kan edukasyon an paghali kan Mother tongue Based.
Sa entrevista kan Bombo Radyo Naga ki Vasil Victoria, PhD, Propesor, Ateneo de Naga Univeristy, pigtawan duon kaini na igwa nin problema an satuyang mga congressman nin huli ta paghuna ninda, problema an pagtutukdo kan mother tongue-based multilingual education (MTB-MLE) nin huli ta manlaen-laen an mother tongue kan mga estudyante, alagad kadakol na soboot pananaliksik an nagpapatotoo kun gurano kaimportante an mother tongue tanganing mas maintindihan kan mga estudyante an konseptong pigtutukdo kan mga paratukdo.
Apwera pa digdi, panghaloyan man an adal kan mother tongue. Saro kaya sa rason kun tano nahuhuri an Pinas sa pangkinaban na eksam, siring kan Math, creativity, english, sa pagbasa asin iba nin huli ta an piggagamit na tataramon sa National test an English na dae man gamay kan lambang tawo. Na kaipohan pa nin halawig na oras tanganing maintindihan kan sarong indibidwal.
Mientrastanto, pigpagirumdom man ni Victoria an Filipino an dae man kaipohan magin hararom, an kaipohan sana an komotikatibo na naiintindihan. Mayo man soboot problema mag taram nin tag-lish o an pinagsalak na tagalaog asin English nin huli ta reyalidad ini asin an Pilipinas an saro sa mga Multilingual na nasyon.
Katakod kaini, kaipohan man soboot kan mga paratukdo na magin matibay, magin updated sa mga nangyayari asin magin marhay na modelo tanganing maapresyar kan mga Pinoy an saindang pigtutukdo.
