NAGA CITY – Tinawan duon kan sarong associate lawyer na kaipuhan muna na mapatotoohan na “unsuitable” an sarong ama na magpadakula kan saiyang aki.
Sa entrevista kan Bombo Radyo Naga ki Atty. Jahazielle Marie dela Cruz, Associate Lawyer, sinaysay kaini na mangangaipuhan muna nin mga patunay na mayong kapasidad an sarong ama na pangatamanan asin suportaran an saiyang aki. Kabali na digdi an pagpapatotoo na pig-abandona na kaini an saiyang pamilya orog na saiyang responsibilidad komo ama.
Dugang pa ni dela Cruz, dae basang na mahahali an parenta authority kan sarong magurang sa paagi sana kan dae pagtatao nin sustento, huli ta pupwede naman ining singilon kan sisay man na nagpadakula sa aki.
Sigun man ki Atty. Bryan Clark Zacarias, pupwede man na sunadan nin kaso kan sarong ina an ama kan saiyang ama na dae nagtatao nin sustento.
Ini nin huli ta responsibilidad kaini na tawan nin tabang an saiyang aki, nag-iibahan man sinda o dae kan ina kaini.
Digdi naman, papatotoohan o iimbestigaran an sarong ama o magurang tanganing mahiling kun talaga ba na unsuitable an mga ini na magin magurang sa saindang mga aki.
Digdi naman dapat na iluwas an gabos na mga patunay na talagang pinabayaan kan sarong ama an saiyang mga
Makalihis na mapatotoohan asin sabihon kan korte na mayo nin kapasidad an sarong magurang na magpadakula kan saiyang aki digdi na ini mawawaran nin karapatan na magin parte pa kan pagdidisiplina asin pagpapasya para sa sainda.
Pag-uulayan man giraray digdi kun paano an magigin proseso kan pagtatao kaini nin suporta sa saiyang aki huli ta eyo an responsibilidad kan sarong ama.
