Nanutaran an paglangkaw kan kaso kan mga narirespondehan na hypertension asin iba pang helang sa banwaan nin Minalabac Camarines Sur.
Sa intrevista kan Bombo Radyo Naga ki Remark Gavica, LDRRM Assistant Operation and Warning kan Minalabac Camsur, sa nainot ng datos mas kadakol na mga residentes an naghahagad nin asistensya medical sa mga nakalihis na semana kumparar kan mga nainot na bulan.
Nagkapira sa mga posibleng kawsa kaini iyo an pabara-bagong panahon asin an iba pang salik na igwa nin kinaaraman sa pamumuhay kan mga residentes. Padagos pang pinag aadalan kun pansamantala an paglankaw kan kaso kan mga helang na ini o parte sana kan trend sa salud sa komunidad.
Sigon pa ki Gavica, padagos an isinasagibong monitoring asin response operation kan MDRRMO tanganing masierto an tulos na aksyon kan saindng opisina sa mga nangangaipuhan nin asistensya medical.
Nakipagkoordinar na man an saindang opisina sa mga lokal na health unit para sa mas marhay na koordinasyon sa pagresponde.
Pig inkaminar man an publiko na maging maagap sa pagpacheck up sa doktor asin sunudon an mga abiso sa salud tanganing maibitaran an paglala kan kondisyon mantang padagos an pagbabantay kan mga otoridad sa sitwasyon.
