Pigpuonan ng ipautob an pigpirmahang executive order kan bagong alkalde kan Manila na si Mayor Francisco ‘Isko’ Moreno Domagoso.
Kasuodma, aldaw nin Sabado an puon kan implementasyon sa saindang ika-tolong executive order puon makabweltada liwat sa saiyang pwesto komo pamayo kan siyudad.
Kun saen, nakapalaman digde an mandato na nagsusugo sa gabos kan mga barangay sa bilog na Maynila na magsagibo nin kaniya-kaniyang paglilinig sa mga nasasakupan.
Obheto kan kasuguang ini na maisakatupadan an regular o semanahang ‘de-clogging’ asin ‘clean-up drive’ orog na sa manlaen-laen na mga estero, kanal, asin bulusan kan tubig sa nasambitan ng siyudad.
Kaya ipigheras ni Manila Mayor Isko Moreno Domagoso o bistado sa apod na ‘Yorme’ an pakikipag-ulay kaini sa mga presidente kan lambang zona kan mga barangay tangani sanang matrayumpo ining maisagibo puon ngunyan na ika-walo kan Hulyo.
Huli kaini, sa parte kan Estero de Paco, siyudad kan Manila pigpuonan ng isagibo an paglilinig tarabangan an mga opisyal kan barangay na iyong may sakop kan nasambitan ng estero.
Sigun man sa kapitan kan Brgy. 671 kan Paco, Manila, antes sindang magpuon na maglinig, saiyang ipigheras na sinda an nakikisumaro sa kasuguan kan bagong alkalde.
Kun saen, tuyong aldaw nin Sabado na soboot ninda ini piggigibo sa barangay alagad dakulang pasasalamat man kaini ki Mayor Isko sa pagpirma kaini nin direktiba tanganing magbweltada liwat an kalinigan kan siyudad.
Kaya huli digde, nagtarabangan an personahes kan barangay na malinigan an mga nasambitan ng estero, asin mahali kun igwa mang basura na pwedeng magin kawsa kan pagkabara.
Alinsunod man ini sa kamawotan ni Mayor Isko Moreno Domagoso na magin preparado an siyudad orog pa ta panahon na kan tag-uran asin dae na maitatangging pigbabaha an Manila.
