Pinag-aadalan na ni Senate President pro-tempore Jinggoy Estrada an dagusang pagpapa-cite in contempt sa contractor na si Sarah Discaya sa masunod na pagdangog.
Diretsahang pisaysay ni Estrada na utikon si Discaya asin an mga nagin pahayag kaini sa pagdangog kan Senate Blue Ribbon Committee an paiba-iba.
Igwang kapot na impormasyon si Estrada na nagtatao nin 40% na advance na kickback sa mga opisyales kan Department of Public Works and Highways (DPWH) si Discaya suhay sa pagsayuma kaini sa ikaduwang pagdangog.
Kan mahapot man an lehislador kun nagtutubod ini sa paliwanag kan abogado ni Discaya na kaya mayo an mga lunadan kaini sa saindang garahe an huli sa ginagamit asin pigbabaha an simbag ni Estrada “tell it to the marines”.
Apwera ki Estrada, nagtutubod man si Senator Ronald “Bato” dela Rosa na dakula an tsansang naghahambog si Discaya huli ta kadakol ining alanganing pigsasabi sa pagdangog partikular na sa claim kan contractor na 23 taon na ini sa construction industry alagad kan mahiling an mga records kan 2012 pa sana nagpuon.
