Ipinagsugo na ni PBBM sa mga ahensya kan gobyerno na rikasan an pagpautob kan mga primerong proyektong pang imprastraktura tanganing mapakusog an ekonomiya komo parte kan padagos na mga reporma sa nasyon.
Itinao kan presidente an direktiba mantang pinamamayuhan kani an sarong pagtiripon kaibanana an saiyang ecomonomic team sigon yan ki Presidential Communications Office (PCO) Undersecretary at Palace Press Officer Claire Castro.
Dugang pa ni Castro na natukar sa pag urulay an mga estratehiya tanganing pakarayon an ekonomiya kan Nasyon kaayon na an digitalization tananing maparikas an pagkrear nin trabaho.
Inatasan man kan presidente an pagparikas kan mga proyektong pang imprastraktura lalo na an pagpatugdok nin mga clasrooms.
Kaayon pa sa mga prayoridad kan administrasyong marcos an pagbawas kan pagtios, pagmarhay kan ekonomiya , empleyo , salud , edukasyon asin pagpauswag kan human capital siring man sustainable asin inklusibong kauswagan.
Inatasan man kan presidente an mga ahensya kan gobyerno na magsumite nin report sa progreso kan daindang report kada ika duwang semana tanganing masubaybayan an lambang yugto kan pagpapautob kan mga proyektong nasa irarom kan saindang nasasakupan.
