Prioridad kan Kongreso an pagpasar kan natatadang mga lakdang kan Legislative-Executive Development Advisory Council (Ledac) kan administrasyon ni Marcos sa oras na magtiripon liwat an Kongreso ngunyan na Lunes, Hulyo 27.
Sa ngunyan, segun ki House Majority Leader Sandro Marcos, 26 sa 52 na priority bills an na-endorso na kan konseho asin target na masusteniran sa ikaduwang taon lehislatibo.
Sisiertuhon ninda na an mga bills makakatabang sa Presidente, lalo na sa mga Pilipino, tanganing padikit-dikit na mapakarhay an saindang buhay.
Kabale sa mga natatadang ley kan Ledac iyo an proponidong Cybersecurity Act, na yaon sa kalendaryo kan Kamara, mantang hinahalat pa an report kan komite dapit sa mga ley na nagbabawal sa mga parientes kan mga opisyales kan gobyerno na magkua nin contrata sa mga proyekto kan gobyierno.
An mga pag-amyenda sa Cooperative Code asin sarong ley na nagdedeklara kan Nobyembre 4 bilang National Thanksgiving Day andam na para sa pinal na pag-aprobar.
Siyam pang prayoridad na mga ley an nakabinbin sa komite sa mga aproprasyon, kabali an mga propuesto na mapakarhay an transparenscy sa paggastos kan gobyerno, asin 15 pang mga ley an yaon pa sa kamot kan mga grupong teknikal na nagtatrabaho.
