Piglinaw ngunyan kan Department of Foreign Affairs (DFA) na an nakatalaang pagbisita ni Presidente Ferdinand Marcos Jr sa U.S an huli man sa imbitasyon ni President Donald Trump.
Sigun ki Foreign Affairs Secretary Theresa Lazaro na si Marcos sana an maikokonsiderar na enot na ASEAN leaders na pig-imbitaran ni Trump sa White House.
Matinir si Marcos sa Blair House an opisyal na presidential guest residence sa White House.
Pigtalaan man an pagbisita puon Hulyo 20 hasta 22 kun saen nagkapira sa mga pwedeng pag-ulayan kan duwang lider iyo an pagkakaigwa nin matibay na relasyon kan US asin Pilipinas.
Advertisement
An nasambitan ng pagbisita an kasunod kan pagpapautob ni Trump kan 20 percent na taripa sa mga produkto kan Pilipinas na pigdadara sa US.
Advertisement
