Nagpaluwas an Department of Labor and Employment o DOLE nin Administrative Order No. 264, Series of 2026, na nagtatakda nin mga alituntunin para sa implementasyon, monitoring, enforcement, asin exemption sa mga Wage Order.
Kabali sa mga lakdang na ini an padagos na pagmonitor sa compliance, mas pinakusog na koordinasyon kan NWPC, RTWPBs, asin DOLE Regional Offices, pati na an special exemption mechanism para sa mga Micro, Small, and Medium Enterprises o MSMEs.
An katuyuhan kan DOLE iyo na masiguro an marhay na implementasyon kan mga Wage Order, mas makusog na enforcement, suporta sa mga MSMEs, asin mas marhay na pagpaplano kan mga polisiya manungod sa sweldo.
Piglalaoman na maimplementar na an dugang-suweldo sa National Capital Region o NCR.Siring kan DOLE, magigin epektibo na an wage increase pagkatapos makompleto an mga kinakaipuhan na proseso.
Makikinabang digdi an mga minimum wage earner sa Metro Manila. Inatasan kan DOLE an mga employer na magsunod sa wage order asin siguraduhon na maitatao an tamang dagdag-suweldo sa saindang mga empleyado.
Padagos man na mamomonitor kan ahensya an implementasyon kaini sa bilog na NCR. Ikinaogma ni Kamanggagawa Partylist Rep. Eli San Fernando an nasabing kasuguan. Tinawan -doon pa kaini na dapat nang itao kan mga employer an nasabing dagdag-suweldo poon kan ipinatupad ini kan July 25, 2026.
