Ipinahayag ni Prof. Renato De Castro, sarong eksperto sa international relations asin foreign policies, na dai dapat balewalaon kan gobyerno an nagin pahayag kan Chinese Embassy sa Pilipinas dapit sa padagos na agawan nin teritoryo sa West Philippine Sea.
Magigirumduman na kan nakaaging Huwebes, Oktubre 15, nagbabala an panig kan China na madali sindang manggana kun gugustuhon nindang gumamit nin puwersa.
Mientrastanto, idinugang man kan embahada na pinili suboot ninda na dai gumamit nin dahas huli sa saindang pagpapahalaga sa katuninongan.Segun ki De Castro, an siring na tahasang pagpapahayag sarong malinaw na manipestasyon kan inaapod na “wolf warrior diplomacy.”
Harayo ini sa maayos asin matuninong na paagi kan tradisyonal na diplomasya, huli ta naggagamit ini nin mga direktang pahayag imbes na magin pormal asin diplomatiko.
Dugang pa kan eksperto, nakabase an siring na estilo sa pagtubod kan China na mas makusog sinda sa rehiyon, kaiba na an pagkakaigwa ninda nin pinakadakulang hukbong-dagat sa bilang kan naval vessels na sa saindang paghiling, malalampasan na an US Navy.Giit pa ni De Castro, pinaluluwas kan China sa saindang mga naratibo na an Pilipinas an nagigin “troublemaker” sa rehiyon.
Alagad lininaw niya na natural sana na pumalag an satong nasyon huli ta karapatan tang ipaglaban an teritoryo laban sa padagos na panghihimasok.
Pinunto man kaini an daa kasaysayan kan China na dai nag-aatubiling gumamit nin dahas dawa pa sa mga nasyon na pigkokonsiderar kaining amigo arog kan krisis sa India kan Oktubre 1962 asin magin sa Vietnam.
Dugang niya, imbes na magpasindak sa mga siring na taktika na magbubugtak sa sato sa peligro, iginiit ni De Castro na dapat patibayon an pambansang pagkakaisa, ipahiling an katatagan, asin tuluyang pakusugon an Hukbong Sandatahan kan Pilipinas.
