NAGA CITY- Ipapautob kan lokal na gobierno kan siyudad nin Naga an paid parking tanganing mabawasan an labing trapiko.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na igwang tinampo sa siyudad an pwedeng parkingan kan mga tawo na igwang darang lunadan alagad ini soboot an saindang babayadan.
An nasambitan ng mga tinampo an bubugtakan nin pintura tanganing maaraman kan mga tawo.
Sigun sa opisyal, obheto kan nasambitan ng lakdang an tanganing ma-discourage an mga tawo na magdara kan saindang mge behikulo asin mapiritan na maglakaw na sana sa mga haharaning destinasyon.
An siring soboot na paagi makakatabang tanganing mabawasan an mga naglalaog na lunadan partikular sa kasentruhan kan siyudad.
Dugang pa kan alkalde, susog sa nagin abiso kan mga traffic expert, dae masisimbagan an problema kun mayong konketrong plano dapit digde.
Huli digde, dae pwedeng magbawal sa publiko na magdara kan saindang lunadan hasta mayong alternatibong plano.
Sa ngunyan, padagos an paghahanap kan LGU-Naga sa marhay na lugar na pwedeng magserbe komo parkig area para sa mga behikulo.
