Padagos an pag-atang nin mga pamibi kan mga kahimanwa ni Pope Francis gikan sa Argentina kasabay kan saiyang pagtalikod sa kinaban kan nakalihis na aldaw nin Lunes, Abril 21,2025.
Marurumduman, si Pope Francis, ipinangaki komo Jorge Mario Bergoglio kan December 17, 1936 gikan sa Flores, sarong commercial asin residential area sa Buenos Aires.
Puon kan pigkumpirmar kan Vatican an pagkadagan kan Santo Papa, dagos-dagos an mga pag-atang kan misa sa nasambitan na nasyon.
Enot na digde an mga serye nin misa asin pag-atang nin mga pamibi sa Basilica San Jose de Flores, an lugar kun sain nagkaigwa nin spiritual awakening an Santo Papa.
Kamunduan soboot an namamatean kan lambang mga Argentinian kasabay sa pamamaaram kan saindang kahimanwa na nagserbe komo pinakahalangkaw na lider kan simbahang Romano Katoliko sa bilog na kinaban. Haros nabayaan kan Santo Papa an bilog na kahimanwa kaini sa nasambitan ng lugar.
Alagad nawara man sa kinaban, matinir na buhay asin padagos na matalubo an mga katukduan ni Pope Francis para sa gabos na mga katoliko.
Matinir man na buhay an mga gibo kan Santo Papa sa nasambitan na Basilica na kun sain kaidto nagserbe ini komo Cardinal Jorge Bergoglio.
