Pakikidumamay, padagos na nagbubulos sa pagkagadan kan South Korean actor na si Lee Soon Jae

Binawian na nin buhay an beteranong South Korean actor na si Lee Soon Jae sa edad na 91-anyos.

Pigkumpirmar kan saiyang mga kaparientes alagad dae na pigsambit an rason kan kagadanan kaini.

Nagpuon an acting ni Lee Soon Jae sa teatro kan 1956.

Taong 1960 kan magin parte sa KBS’s first class na na-recruit na actor asin digde na nagpuon an saiyang career sa telebisyon.

Nagluwas ini sa labi 100 na mga tv asin pelikula sa SouthKorea.

Ini an pigkonsederar na pinakagurang na aktor na nanggana sa Korean drama awards.