Palasyo minaliit an piglulutong impeachment ki PBBM

Inapod sana kan Malacañang na sarong “political maneuvering” an ulayan na pagsunad nin impeachment kontra ki President Ferdinand Marcos Jr.

Sigun ki Palace Press Officer Claire Castro , na mayong laog an mga pahayag gikan sa mga lehislador na pigbabasae sana sa mga supporters kan dae naunambitan na pulitiko.

Nakatuon kaya ngunyan an presidente sa pangengenot asin pagluwas kan resulta sa mga mamamayang Pinoy.

Reaksiyon ini kan Palasyo sa nagin pahayag ni House Senior Deputy Minority Leader and Caloocan 2nd District Representative Edgar Erice na igwang nagkapirang indibidwal na nagrani sa saiya tanganing i-endorso an impeachment complaints kontra ki Marcos huli sa betrayal of public trust dara kan mga insertions sa budget.