Nakagadan nin apat na katao an pambabadil asin pangsusulo sa Church of Jesus Christ of Latter-day Saints sa Grand Blanc Township, Michigan.
Walong iba pang indibidwal man an nairido sa krimen na inapod kan Federal Bureau of Investigation (FBI) komo sarong “act of targeted violence”.
Natukoy na an suspek sa krimen na si Thomans Jacob Sanford, 40 anyos gikan sa karatig na siyudad kan Burton, na nagadam man makalihis makipagribayan nin putok sa mga awtoridad sa may car park kan simbahan.
Naapula na man an kasulo. Alagad, blangko pa man an mga awtoridad sa motibo kan gunman sa krimen.
Enot kaini, sigun sa mga awtoridad, binangga kan gunman an lunadan kaini sa bukana kan simbahan mantang isinasagibo an church service, saka nambadil asin intensiyonal na sinulo an simbahan gamit an gasolina.
Kinondena man ni US President Donald Trump an pag-atake na inapod kaining “kakila-kilabot”.
