Target na itindog an sarong oil storage facility sa nasyon sa 2027, sa irarom kan partnership kan United Arab Emirates asin Pilipinas.
Konektado digdi, pigpupursige ni Committee on Energy Chairman Senator Erwin Tulfo an pakikipag-ugnayan sa UAE sa paagi kan Abu Dhabi National Oil Company (ADNOC).
Pinangenotan ni Tulfo an delegasyon kan nasyon kaiba si Philippine Ambassador to UAE H.E. Alfonso Ver asin Special Envoy Kathryna Yu-Pimentel, kun sain saindang idinuso na kayang mahaman an oil hub sa Pilipinas sa paagi kan pagtarabangan kan gobyerno kan duwang nasyon asin kan mga pribadong kumpanya.
Sinabi ni Tulfo na pigpaparikas an pagtogdok kan imbakan nin lana huli ta dakula an maitatabang kaini sa mga Pilipinong nagtitios sa tuwing nagmamahal an presyo kan petrolyo asin kuryente.
Tinukoy pa kan senador an kawaran nin access kan nasyon sa suplay nin lana.
Mantang, andam man an UAE na ipadagos an urulay asin andam man sinda na magpadara nin halimbawang kontrata na pwedeng pag-adalan kan gobyerno kan Pilipinas.
