NAGA CITY- Nagpasalamat ngunian an pamilya ni Sen. Leila De Lima sa mga hararaning amigo asin mga taga suporta kan senador na padagos na nagtatao nin kusog boot sa opisyal mntang nasa laog kan PNP Custodial Center.
Sa eksklusibong entrevista kan Bombo Radyo Naga ki Barangay Kagawad Elma Gaspi, saro sa mgapinsan ni De Lima sa Iriga City, sinaysay kaini na naoogma sinda na mahiling na dawa sarong taon nang nakakulong an opisyal alagad nagtitinir pa man giraray an suporta kan mga tao sa senador.
Sigon ki Gaspi, mas nagigin pusog si De Lima hui sa nahihiling kaining pagpadangat kan mga kababayan asin pamilya kaini.
Sigon pa ki Gaspi, magayon an kamugtakan kan opisyal sa laog kan presuhan asin dae pa soboot ninda nabaretaan na nagkahelang ini.
Napag-araman na magkakaibanan na nagbisita sa kulungan an nagkapirang paryentes asin amigo ni De Lima, bitbit ang mga pulang rosas komo pagdamay soboot sa opisyal sa enot na taon kaini sa kulungan makalihis maembwelto an pangaran sa soboot illegal drug trade sa New Bilibid Prison (NBP).
