NAGA CITY – Kahagadan pa man giraray kan pamilya ni Rosalie Muceros an hustisya.
Sigun ki Marites Indico ina kan biktima na padagos man an pag-update kan PNP sa sainda manungod sa kaso kan saiyang aki.
Dugang pa kaini na dae soboot maanggot an mga nagigin person of interest o suspek huli ta kamawotan man nindang matawan nin hustisya an pagkagadan kan aki.
Kaya pangapudan kaini na sana makonsensiya man an tawong naggadan sa saiyang aki asin magsuko nasana sa mga awtoridad.
Advertisement
Sa ngunyan labi an kamunduang pigheras kan Ina na masakit soboot an pagselebrar kan kapaskuhan asin bagong taon na mayo na an saiyang aki.
Marurumduman si Rosalie Muceros 18 anyos an nadukayan na mayo na nin buhay sa Zone 6, Panicuason, Naga City.
Advertisement
