ARAM baya nindo mga ka-Bombo, kapot ngunyan kan sarong pamilya sa Germany an world record sa pagkakaigwa nin 605 Christmas trees na fully decorated sa laog kan saindang harong.
Mahihiling na masabat tulos an naggagayonan na Christmas trees pagbukas pa sana kan pintuan kan harong kan pamilya Jeromin.
Pano nin Christmas tree an kaloob-looban kan harong na igwa nin 120,000 ornaments, 50,000 Christmas lights asin ribu-ribong Christmas figurines.
Kaya man itinao sa Jeromin family an world record sa pagkakaigwa nin pinaka-dakol na decorated Christmas trees in one place, na kinumpirmar kan Record Institute for Germany (RID).
Kapot man kan pamilya an nasambitan ng titulo kan 2017 hasta 2021 asin kan taong 2023.
