Nangapudan si Pope Leo XIV nin katoninongan sa saiyang mensahe sa Pasko nin Pagkabuhay asin pig-enkminar kaini an mga lider sa kinaban na pumondo sa mga giyera asin untokan an ano man na pagmawot sa kapangyarihan asin dominasyon.
Sa saiyang “Urbi et Orbi” na mensahe, tinawan duon kan Santo Papa na si Kristo iyo an modelo nin perpektong katoninongan asin bakong kadahasan.
Sa saiyang mensahe sa Pasko nin Pagkabuhay-liwat, na itinao sa atubangan kan rinibong nagtiripon sa St. Peter’s Square, si Papa Leo XIV nag-apod sa mga lideres kan kinaban na pugulan an mga nangyayaring giyera sa manlaen-laen na parte kan kinaban.
Segun sa Santo Papa, garo nasasanay na an mga tawo sa kadahasan, kaya importanteng pilion an katoninongan imbes na giyera.
Inagyat man kaini an mga nasyon na igwa nin mga armas na magpundo na sa pakikipaglaban asin magpadagos sa dayalogo.
Dawa ngani dai niya nasambitan an sarong partikular na giyera, an saiyang direktang pag-apod sa mensahe kan Urbi et Orbi nakakabigla, na mas halipot alagad mas makusog.
Ipinaliwanag kaini na an pagkabuhay-liwat ni Cristo sarong tanda nin katoninongan asin paglaom, na dapat na maggiya sa katawohan.
Sa mga nakaaging semana, an Santo Papa orog na nagin boses sa saiyang pagkondenar sa mga bayolenteng iriwal sa bilog na kinaban, kaiba an saiyang makusog na pagtuyaw sa gera na imbuelto an Iran.
