NAGA CITY- Saro na namang brick kan cocaine an narekober na nagpapataw pataw sa kadagatang sakop kan Vinzons, Camarines Norte.
Sa nagunong impormasyon kan Bombo Radyo Naga, napag araman na sarong parasira na binisto sa pangarang Noel Solver, 50-anyos an nakahiling sa nasambitan ng substance.
Naglawod suboot si Solver sa nasambitan ng lugar alagad envez na sira an masubad kaini, sarong bagay na napapatos sa itom na rubberized plastic an nakua kaini.
Huli digdi, tulos na nagpasiring sa kapulisan an nasambiytan ng parasira asin itinurn over an nasambitan ng substance na pinagtutubudang cocaine.
Sa ngunian, sigon sa mga otoridad, hinahalat na sana an resulta kan eksaminasyon gikan sa Crime Laboratory tanganing maaraman kun positibo talagang cocaine an nasambitan ng substance.
Kun marurumduman, anot nang narekober sa kadagatang sakop kan Quezon-Bicol an sarong container na naglalaman nin 27 bricks cocaine kan mga nakalihis na semana.
Sigon sa PNP-Quezon, padagos an pakikipag-tumabangan ninda sa mga kataid banwaan makalihis na maaraman na may saro pang container na nahiling an mga parasira mantang duwang bricks man suboot an inapon kan mga ini sa kadagatan.
