Pigtawan duon ni Atty. Ade Fajardo, abogado asin tagapagtaram ni dating House Speaker Ferdinand Martin Romualdez, na an mga alegasyong piglahad kan nagkapirang testigo sa Senado kontra sa dating speaker “lohikal asin pisikal na imposible.”
Sigun ki Fajardo, mismong si Curlee Discaya an nagtestigo sa irarom kan panunumpa na dae ini nuarin man nakalaog sa South Forbes Park, kaya imposible soboot na may pigtawan ini kan anumang sugo duman.
Dugang pa ni Fajardo, an mga paratang gikan sana sa mga tauhan kan sarong napahali na tenant asin mayong kalakip na dokumentong ebidensya.
Mayo man soboot pangaran ni Romualdez sa arin man na deed, kontrata, o rekord kan bayad katakod kan nasambitan na pagsadiri.
Duon ni Fajardo na pawang hearsay asin posibleng perjured statements sana an mga alegasyon, asin mayo soboot sapat na ebidensya na dapat simbagon.
Dugang pa ni Fajardo an pahayag kan kontratistang si Pacifico “Curlee” Discaya na dae pa ini nakalaog sa South Forbes Park, salungat sa mga pahayag kan duwang Senate witnesses na naggamit nin alyas na “Joy” asin “Marie.”
