Nakatalaan maghali pasiring United Arab Emirates (UAE) si Presidente Ferdinand R. Marcos Jr. sa maabot na Lunes, Enero 12, 2026.
An working visit ni Presidente Marcos, sigun ki Presidential Communications Office (PCO) Undersecretary asin Palace Press Officer Claire Castro, para sa Abu Dhabi Sustainability Week, kun saen pag-uurulayan an mga lakdang tanganing ibusol an global sustainability.
Ini buhat soboot, sa paanyaya kan kagalang-galang na Sheikh Mohamed bin Zayed Al Nahyan kan United Arab Emirates.
Makakaibahan kan Presidente an iba pang heads of state and government kan manlaen-laen na nasyon sa pag-urulay kan mga isyu dapit sa enerhiya, tubig, usaping pinansiyal, pagkakan, asin kalikasan.
Apwera digde, nakatalaan man aatendiran ni Presidente Marcos an pagpirma sa duwang importanteng kasunduan sa pag-ultanan kan Pilipinas asin United Arab Emirates.
Dugang pa ni Castro na bilog an pagtubod ni Presidente Marcos na magigin makabuluhan asin kapaki-pakinabang para sa sambayanang Pilipino an saiyang paparaning pagbisita sa Abu Dhabi.
