Ikinasa ni Pangulong Ferdinand Marcos Jr., kan Biyernes, an Kaagapay Program kan Department of Education (DepEd) sa Patul Elementary School, sabay sa pagsabi na prayoridad kan administrasyon an salud kan mga kaaakian sa paagi kan feeding programs, asin an iba pang serbisyo para sa mga pampublikong eskuwelahan.
Kan inspeksyunon an Home-Grown School Feeding (HGSF) modality sa irarom kan School-Based Feeding Program (SBFP), kaiba si Education Secretary Sonny Angara, sinabi ni Pangulong Marcos na makakatabang ini sa kapakanan kan mga estudyante sa paagi kan mga health initiatives.
An HGSF, na nakaangkla sa Republic Act No. 11037 o an Masustansyang Pagkakan para sa Batang Pilipino Act, nagtatabang nin mainit na mga pagkakan na kaiba sa 30% kan standard Recommended Energy and Nutrient Intake (RENI) kan gobyerno.
Mientrastanto, an mga sangkap na ginagamit sa feeding program hale sa mga parauma sa komunidad.
