PIG-ANUNSYAR ni Presidente Ferdinand Marcos Jr. (PBBM) na matrayumpo na nakadiskubre an Pilipinas nin natural gas sa Malampaya East-1, an primerong dakulang tuklas sa sektor kan enerhiya sa laog kan labi sarong dekada asin igwang katampad na 14 ribong kilowat hours kan kuryente sa sarong taon.
Boot sabihon kaya kaining makapagsuplay nin kuryente sa labi 5.7 milyong kaharongan, 9,500 na mga establisyemento o haros 2,000 eskwelahan sa laog nin sarong taon.
Apwera sa natural gas, ibinareta man kan Presidente an pagkakadiskubre sa condensing, sarong high value liquid fuel na makakatabang man soboot sa paghihingowa kan gobyerno na mapakusog pa an power supply kan nasyon.
Sigun sa Presidente, an nasambitan ng pagtuklas an nagtatao nin panibagong sigla sa padagos na paghihingowa kan gobyerno na masierto an matatag asin malalaomang suplay kan enerhiya para sa nasyon.
Importante soboot ini sa pagpapakusog kan seguridad sa enerhiya, orog na sa tahaw kan naglalangkaw na pangangaipuhan asin huma sa pangkinabang merkado kan enerhiya.
Dugang pa kan Presidente, an bagong tuklas sa Malampaya East-1 an piglalaomang makakatabang sa pagpapababa nin paglaom kan nasyon sa pig-aangkat na enerhiya asin matao nin mas matatag na pundasyon para sa panghaluyang kauswagan kan ekonomiya.
Pigbida man kan Presidente na mga Pilipino an nangengenot sa isinagibong drilling sa Malampaya East-1 asin natapos nin mayong anuman na aksidenteng nangyari.
