Nangapudan si Presidente Ferdinand Marcos Jr., sa ASEAN-East Asian Summit na magkaigwa nin matuninong na resolusyon sa naglalalang tensyon sa Middle East.
Sigun ki Presidente Marcos, nahahadit ini sa naglalalang tensyon sa rehiyon, lalo na sa Lebanon kaya nakikimaherak ini sa gabos na partido na likayan an paglala kan kadahasan asin lugod maghiro pasiring sa matoninong na resolusyon. Nanindugan man an presidente na suportado kan Pilipinas an two-state solution kun saen an Israel asin Palestine nag-iiribahan na matoninong na nabubuhay sa irarom kan mutual security.
Marurumduman na si Presidente Marcos an nagboot na gamiton an gabos na pagsadiri kan gobyerno para sa pag-ebakwar kan mga Pilipino sa Lebanon makalihis na bombahon kan Israel an Hezbollah sa Lebanon asin an Gaza Strip bilang balos sa mga rocket kan Hezbollah na nahulog sa Haifa, na ikatolo sa pinakadakulang syudad kan Israel.
Mientrastanto, sinabi kan Department of Migrant Workers na 213 na mga Pilipino an nakakua nin mga travel documents asin preparado nang magbalik sa Pilipinas. Huli kaini, 20 Pilipino an piglalaoman na maabot sa nasyon ngonian na katapusan kan semana.
