Pinangenotan ni Presidente Ferdinand Marcos Jr. an ika-49th na national prayer breakfast sa Malakanyang ngunyan na Lunes, Nobyembre 18, 2024.
Sa patara-tara kan Presidente pigsaysay kaini na an pamayuan na mayong pananampalataya, garo barko na mayong compass, ini mapalaot alagad malihis nin direksiyon.
Sigun sa Presidente, an tolong liderato dapat igwang kakayanan baguhon an buhay kan mga tawo tanganing sa ikakamaray kaini, kan igwang paggabay nin karunungan gikan sa pananalig sa diyos.
Pigsaysay ni Marcos na an kinaban nahahampang sa pagkakaiba-iba kan pagtubod, sa pulitika, asin magin an magkakaibang pananaw sa kultura asin henerasyon.
Pinagsisierto kan Presidente sa mga lider na nangingibabaw an pagkamoot, hirak, asin pagpapakumbaba sa kada desisyon asin aksyon.
Pig-enkaminar man kaini an gabos kan magigin lider sa maabot na panahon na gibuhon gabay an pananampalataya asin pang-hugutan ini nin kusog sa hampang kan mga huma para sa mithiin na bako sana pansadiri.
