Ipinaapod ni Presidente Ferdinand Marcos Jr., an Department of Health (DOH) tanganing aramon an estado kan monkeypox o mpox sa nasyon.
Sigun sa Presidential Communications Office (PCO), piglinaw ni Health Secretary Ted Herbosa sa Presidente na bako man epidemya an mpox siring kan COVID-19.
Pigsaysay pa ni Herbosa na dae masyadong nakakaulakit an nasambitan ng helang.
Sa katotoohan, puon kan nakalihis na taon, nasa sampulong kaso pa sana kan mpox an saindang nairehistro asin gabos na ini an narahay.
Naglatag naman nin plano an DOH ki Presidente Marcos kun papaano matatabangan an publiko na makalikay sa mpox.
Enot ng pigsaysay kan DOH na naipapasa an mpox sa paagi kan close asin intimate contact.
