Nakaresibe an mga tauhan kan 9IB Bravo Company nin report manungod sa insidente nin pagkalamos sa sarong Beach Resort sa banwaan nin Pasacao, Camarines Sur.
Nagresponde tulos si Sgt. Joar B. Barsaga (INF) PA sa paagi kan pagduman sa pinangyarihan mantang kasabay na nakikoordinar sa iba pang responders asin naghahagad nin suporta sa ambulansya.
Pag-abot, dinara na an biktima sa baybayon asin an mga enot na ipigkundusir iyo an first aid. Kasabay kaini, tulos man na nagtao nin asistensya si Aux1 Jerick A. Gallarte, miyembro kan 907th Coast Guard Auxiliary Squadron, 2nd Division Medical Team, na off-duty asin presente sa lugar kaiba an saiyang pamilya para sa bakasyon.
Nagtabang Si Aux1 Jerrick Gallarte sa mga sibilyan sa pagtao nin tamang first aid asin cardiopulmonary resuscitation (CPR). Sa paagi nin pinagsararong mga paghihingoa, an biktima an na revived.
An pasyente sunod na dinara sa pinakaharaning ospital asin ini an yaon na sa estableng kamugtakan.
