NAGA CITY- Nagtao nin asistensiya an Philippine Coast Guard Bicol sa nasa 50,000 outbound passengers asin 31,000 inbound passengers sa mga regional ports puon May 9 hasta kan eleksyon.
Sigun ki Commodore Ivan Roldan, nagtao man sinda nin seguridad sa mga botante sa nasa 116 na presinto sa haros anom na probinsiya kan Rehiyong Bicol.
An nasambitan ng mga outbound passengers an mga nagbiyahe sa Metro Manila o iba pang parte kan Luzon pasiring sa Bicol Region, mantang an inbound passengers an mga gikan sa Bicol Region asin nagbiyahe pasiring sa ibang Rehiyon kan nasyon.
An magabat man na daloy kan trapiko huli sa mga behikulo asin suruksukan kan mga pasahero na biyahe pasiring sa Visayas asin Mindanao sa Matnog Port sa Sorsogon an namanehar man nin marhay.
Dugang pa ni Roldan, namanehar man kan mga port officials an arrival asin departure kan mga biyahero sa saindang mga respetadong probinsiya tanganing magboto mantang pigmamantinir an kasalbaduhan asin kaayusan kan port operations.
Nagpasalamat man an opisyal sa kooperasyon kan publiko para sa marhay na dalagan kan mga biyahero sa kakatapos na eleksyon.
Sa ngunyan, pigtawan duon man kan PCG- Bicol na matinir sindang committed sa mandato na proteheran an maritime domain kan nasyon, pagsierto kan public safety sin pagpapamarhay kan demokratikong proseso.
