Padagos an pagtutok kan Philippine Coast Guard (PCG) sa search and rescue operations para sa walong pasaherong nawawara makalihis an insidente na imbwelto an M/V June Aster sa kadagatang luwas kan Coron, Palawan.
Poon sa palibot kan Isla nin Calanhayaun sagkod sa mga haraning baybayon, an mga tawohan kan Coast Guard District Palawan nagkondusir nin mahiwas na paghanap gamit an mga patrol vessel, rubber boat asin iba pang kagamitan.
Kabali sa operasyon an maritime asin shoreline patrols, mantang an PCG nagdeploy man nin mga drone tanganing mag-survey kan mga posibleng lugar na mabisita kan mga search team hale sa ere.
Nagpartisipar man sa operasyon an mga personahe hale sa Disaster Response Group, Special Operations Group asin Marine Environmental Protection–Northeastern Palawan, kaiba an BRP Suluan.
