Nangenot an pelikulang “Sinners” sa igwang pinakadakol na nominasyon para sa Academy Awards o Oscars.
Sa pigpaluwas na listahan kan organizers kan Oscars Awards, igwa ining kabilugan na 16 na nominasyon.
Ini man an kaenot-enoting pelikula sa historya kan Oscars na igwang pinakadakol na nominasyon.
Sa kabilugang 24 nominasyon, 16 digde an nairehistro kan nasambitan ng pelikula siring kan best actor, best picture, best supporting actress asin iba pa.
Pigsundan ini kan pelikulang “One Battle After Another” na igwang 13 nominasyon, pigsundan kan pelikulang “Marty Supreme:, “Frankenstein” , “Sentimental Value” asin ”Hamnet”.
An mga nominado man sa best actress an kinababalihan ninda: Jessie Buckley sa pelikulang “Hamnet”; Rose Byrne- “If I Had Legs I’d Kick You” ; Kate Hudson sa pelikulang “Song Sung Blue”; Renate Reinsve sa pelikulang “Sentimental Value” asin Emma Stone sa pelikulang “Bugonia”.
Mantang sa best actor, nominado man sinda: Timothée Chalamet (Marty Supreme), Leonardo DiCaprio (One Battle After Another), Ethan Hawke (Blue Moon), Michael B Jordan (Sinners) asin Wagner Moura (The Secret Agent).
Isasagibo an Academy Awards ceremony sa Marso 15 sa Los Angeles.
