NAGA CITY- Padagos an pigkukundusir na preparasyon kan Peñafrancia Task Group sa cuidad nin naga katakod sa mga pig-aantiisparan na mga aktibidades.
Sa entrevista kan Bombo Radyo Naga ki Renne Gumba Public Safety Office Naga Director, sinaysay kaini na fully activated na an operation center kun sain kan nakalihis na aldaw nagkaigwa na nin pagtiripon sa triumphal procession dapit sa pagkorona ki ina sa selebrasyon kan ika-100 na taon.
An prusisyon maikot poon sa Cathedral, Francia, centro asin mabalik sa Cathedral.
Piglalaoman na an mga maattendir na mga religious groups, education sector asin diocese an mga naka-barong o formal attire.
Ikukundusir man sa Setyembre 20 kun sain an misa an mapoon alas-4 nin pagkahapon mantang alas-7 nin pagkabanggi an pagkorona ki Ina, na pinaglaloman na papartisiparan nin kadakol na deboto kaya magkakaigwa nin road closure katakod kan event.
An PSO an igwa nin nasa 81 na mga personahes an ededeploy mantang ma-issue man nin memo dapit sa mga dae makakapagleave sa bulan nin Setyembre huli ta igwa nin mga manlaen-laen na cluster an kinakaipuhan na igwa nin magmanehar nin trapiko, pagtao nin seguridad sa mga maaratendir na VIP, diplomats asin mga ambassador.
Sa ngunyan piglalaoman pa an mga manlaen-laen na mga ikukundusir na mga pagtiripon orog na sa pagpapamarhay sa pagtao nin seguridad sa bilog na durasyon kan Peñafracia Festival.
