NAGA CITY – Liwat naiwagayway an bandira kan Pilipinas sa opisyal na pagbukas kan Paris Olympics kasabay kan opening ceremony kasubagong ala-1:30 nin mag-oomagahon, Hulyo 27.
Nagsiribi na flag bearer kan Pilipinas an duwang silver medalist kan Tokyo Olympics na sinda Nesthy Petecio asin Carlo Paalam.
Sa kaenot-inuting pagkakataon, pigsagibo an opening ceremony kan Olympics sa luwas kan stadium. An nasambitan naman na opening an maikokonsiderar na historya maski pa naeksperyensiyahan pag-uran sa lugar. Kun saen dae natinag an pirang milyong mga katawo na nagdalan kan pormal na pagbubukas kaini.
Ini nin huli ta an ‘Parade of Nations’ an pigsagibo sa sikat na Seine River.
Mientrastanto, pig-ibahan man kan pirang mga Filipino Olympian an duwang flag-bearer kan nasyon.
Kun saen, balon kan mga atleta an Pride kan Pilipinas tanganing porbaran na makasungkit nin medalya sa nasambitan ng torneo
