Nangapudan an Pilipinas kapwa sa Amerika asin Venezuela para sa paggalang sa international law, pagpapairal kan pagtitimpi asin pagpapanumbalik kan kapayapaan asin kaayusan sa Venezuela.
Siring man, para sa kapakanan asin kasalbaduhan kan gabos kan namamanwaan duman kaibahan an mga Pilipinong nakaistar sa Venezuela asin nakapalibot na nasyon.
Sa sarong statement, ipinaabot kan Department of Foreign Affairs (DFA) an pag-aalala kan Pilipinas sa mga kaganapan sa Venezuela asin an epekto kaini sa kapayapaan asin katatagan sa rehiyon siring man sa rules-based international order.
Sigun sa ahensiya, pigbibisto kan Pilipinas an mga pinagbabasehang konsiderasyon kan Amerika katakod sa seguridad, pigtawan-duon kan nasyon an mga pagtalima sa mga prinsipyo kan international law kaibahan an kasarinlan asin sovereign equality kan kada estado, an mapayapang pagresolbar sa alitan, pagbabawal sa paggamit kan banta o pwersa asin dae pakikiaram sa panloob na isyu kan sovereign states.
