Aram baya nindo mga ka-Bombo, naggamit soboot nin sledgehammer an parahabong tanganing habonon an golden toilet sa Blenheim Palace, England na nagkakantidad nin £2.8 million pound o nasa labi P2 billion sigun sa sarong report.
An toilet, na may pamagat na ”America” an gibo kan Italian Artist na si Maurizio Cattelan, na i-exhibit kuta sa Oxfordshire, sarong lumang harong kan mangyari an paghahabon.
Pigkakarkulong igwa nin gabat na 98kg an nasambitan ng golden toilet asin igwa nin 18-carat na fully functional asin may insurance na $6 million.
Pigbisto an suspek na si Michael Jones, 39-anyos gikan sa Oxford alagad pigpahimutikan an akusasyon.
Mantang duwa pang lalaki an kaiba kaini na binisto kan korte na sinda Frederick Sines, 36-anyos gikan Winkfield, Berkshire, asin Bora Guccuk, 41-anyos, gikan sa London asin pigsayumahan man an akusasyong kasabwat sa pagpabakal kan nasambitan ng golden toilet.
Sa paglilitis na isinagibo sa Oxford Crown Court, pigwalat soboot kan mga suspek an mga sledgehammer sa lugar rason tanganing gamiton komo ebidensiya kontra sa sainda.
Naggamit man soboot an mga suspek nin taramong “car” komo code para sa pighabon na ginto na nakipag-koordinar man sa sarong jeweler sa Hatton Garden.
