Paiimbestigaran kan Department of Justice (DOJ) sa National Bureau of Investigation (NBI) an notaryong pinanumpaan ni Dismissed Bamban, Tarlac Mayor Alice Guo sa isinumiter kaining kontra-salaysay asin motion to reopen investigation sa reklamong qualified human trafficking.
Bako kaya si Guo an personal na nag-abot kan counter-affidavit, asin an soboot na representative kan mga Philippine Offshore Gaming Operator (POGO) sa Bamban asin Porac na si Dennis Cunanan an nagsumiter.
Sigun ki Justice Usec. Nicholas Felix Ty, ipasisirip ninda sa NBI kun igwang siring na notaryo sa Korte Suprema asin kun talagang naghampang si Guo tanganing manumpa sa saiyang mosyon asin kontra-salaysay na pigsunad sa DOJ.
Dugang pa ni Ty, nasa kamot na kan prosecution panel kun aakuon o ibabasura na an counter-affidavit.
Naghurot naman nin dugang na panahon an Presidential Anti-Organized Crime Commission (PAOCC) asin Philippine National Police Criminal Investigation and Detection Group (PNP-CIDG) tanganing makapagsunad nin reply affidavit sa kontra-salaysay kan ibang respondents.
