Nakapag-andam na an banwaan nin Pili antes pang magparadugang an kaso kan dengue sa bilog na probinsya nin Camsur.
Sigon ki Mayor Marivic Solano, Alkalde kan banwaan nin Pili Camsur naidistrebwir na sa 26 na Barangay an mga bagay na kinakaipuhan tanganing makontrol an kaso kan dengue kabali na an sprayer asin bulong.
Inisyatiba ini kan alkalde katuwang an RHU 1 and 2.
Daing untok man an pagpapagirumdom kan alkalde sa mga Punong Barangay na regular na abisuhan an mga residentes na mantineron an kalinigan tanganing dai pamugaran nin namok an saindang mga lugar orog na an namok na nagdadara nin dengue virus.
Mientrastanto, dagdag pa kan alkalde, 15 kaso kan dengue an naireshistro sa Pili alagad mayo man nin nairehistrong binawian nin buhay huli ta tulos ining naaagapan.
Dagdag pa kan opisyal, importanteng tawan nin importansya an salud huli ta an buhay kan tawo saro sana kun kaya yaun an bilog na suporta kaini sa mga programang pansalud kan saindang municipalidad.
