Itinanghal an Pilipinas komo pinakadelikadong nasyon sa kinaban pag abot sa sakuna ngunyan na 2025 WorldRiskIndex, na may “very high” risk score na 46.56.
An report, na iniluwas kan nakalihis na Miyerkules kan Germany’s Bündnis Entwicklung Hilft asin Ruhr University Bochum, an nagsabing dakula an huma huli sa heograpikong pagkakabanga-banga kan nasyon asin matinding exposure kaini sa mga kalamidad.
Nangenot an Pilipinas sa 193 nasyon, kasunod an India, Indonesia, Colombia, asin Mexico. Kabali man sa Top 15 an nagkapirang nasyon sa Asya siring kan Myanmar, China, Bangladesh, Papua New Guinea, asin Vietnam.
Sigun sa report, laog an 10 lugar sa pinakahalangkaw an peligro nin pagbaha sa:
- Cagayan – 88.10
- Agusan del Norte – 87.51
- Pangasinan – 85.19
- Pampanga – 83.49
- Maguindanao – 82.94
- Metropolitan Manila – 81.12
- Camarines Sur – 75.77
- Misamis Oriental – 73.66
- Camarines Norte – 72.69
- Isabela – 71.23
Mientrastanto, tinukoy man an Metro Manila asin Laguna komo halimbawa kun pano nakakatabang an urban planning asin maayos na drainage system sa pagbawas kan peligro.
Nagluwas an report mantang sunod-sunod na nagtatama an mga bagyo sa nasyon asin padagos an imbestigasyon sa mga maanomalyang flood control project na pigkakarkulong nagkawsa nin lugi na mapakol sa trilyong piso.
Nagsunad na nin kasong graft an DPWH kontra sa 25 indibidwal asin apat na kontratista
