Pwede na an Pilipinas pwede mag-importar nin Belgian poultry kasunod kan paghale kan temporaryong pagbabawal kan Department of Agriculture (DA), pagkatapos na an mga nasyon sa Europa nagbugtak nin supisyenteng mga pag-iingat laban sa High Pathogenicity Avian Influenza.
Sa Department Circular No. 25 kan DA, pormal na pigmidbid kaini an mga protocol sa rehiyonalisasyon kan Belgium para sa bird trangkaso, mantang an mga pwede nang i-importar kabali an mga domestic asin wild birds, karne nin manok, mga pisog na sarong aldaw, mga itlog, asin semilya gikan sa bilaterally-recognized free zones.
Ini an magpapahiwas kan mga opsyon kan departamento tanganing mapakusog an lokal na suplay nin manok asin seguridad sa pagkakan sa nasyon.
Marurumduman na pig-implementar kan nakaaging taon an temporaryong pagbabawal sa pag-importar nin mga produktong poultry hale sa Belgium ngani na maibitaran an nagdadangadang na paglakop kan avian influenza.
