Pigkokonsederar komo pinakanakakagadan na taon an 2024 para sa mga kagawad kan media sa historya.
Sigun sa report kan Committee to Protect Journalists, kan nakalihis na taon kaya dae mababa sa 124 na mga reporter an nagadan asin Israel an igwang paninimbagan sa haros 70% kan numero na ini.
Naglangkaw ini nin 22% kumparar kan 2023 asin kadaklan kan mga pagkagadan na ini an nangyari sa mga nasyon na igwang na igwang international conflict, political unrest, asin krimen.
An nasambitan ng taon an pinakadakol na numero kan mga journalist na nagadan an nangyari sa 18 nasyon kabali na an 85 mamamahayag na nagadan sa giyera sa Israel-Hamas, 82 sa sainda an mga Palestino.
An iba pang mga nasyon na igwang halangkaw na numero kan pagkagadan an Sudan, Pakistan, Mexico, asin Haiti.
Pigsambit kan CPJ na an mga freelancer an saro pinaka-madaling target huli sa kakulangan kan resources, na nagrerepresentar sa 43 kan mga pagkagadan.
An puon kan 2025 an dae magayon na kun saen igwang anom na journalist na nagadan sa mga enot na semana kaini.
