Liwat balik aksyon si Pinoy boxer Charly Suarez tanganing makarani sa pigmamawot na world title shot.
Alagad maagi muna ini sa labing laban huli ta saiyang makakahampang si unbeaten Andres Cortes sa sarong 10-round eliminator sa Setyembre 20 sa Glendale, Arizona, USA.
Sarong kapangganahan na sana an kaipuhan ni Suarez tanganing matawan ini nin tsansang masungkit an World Boxing Organization super featherweight crown.
Kaya man piglalaoman ni Suarez an bilog na kusog kaini tanganing makakua nin kapangganahan.
Nakapagbulsa nin tolong gintong medalya si Suarez sa Southeast Asian Games antes magdesisyong mag-professional boxer kan Enero 1, 2019.
Nakatalaan na maghali si Suarez sa Setyembre 1 pasiring sa Las Vegas, Nevada tanganing ipadagos an preparasyon kaini para sa laban.
