Nagluya an kantidad piso sa P57.45 kontra dolyar, an pinakamaluyang antas magpuon kan nakalihis na Marso 26, 2025, susog sa Bankers Association of the Philippines (BAP).
Basado sa mga ekonomista, posibleng magtinir na maluya an piso huli man sa naeeksperyensyahang tensyon sa Middle East asin Europa, siring kan presenteng kariribokan sa Israel asin Iran.
Bagaman dae ini nilalaomang makawsa nin dakulang epekto sa inflation, posibleng makaapektar ini sa kita kan mga exporter asin man manufacturing sector.
Sa ibang lado, nagbaba man an Purchasing Managers Index (PMI) kan nasyon sa 50.1 kan nakalihis na Mayo, gikan 53 kan nakalihihis na bulan nin Abril, indikasyon kan pagluya nin performance kan mga pabrika sa nasyon.
Nagpatanid man an mga ekonomista na pwedeng dumagsa an mga produkto kan Tsino sa Pilipinas huli sa mga bagong taripang ipinataw kan U.S. na pwede man makaraot sa local production asin trabaho.
Siringpaman, posibleng makatabang man an pagbaba kan piso sa mga local exporter asin mga obrero.
Mientrastanto, nagtutubod man an nagkapirang mga ekonomista na paramientras sana an pagluya kan piso asin nilalaoman na liwat makusog ini sa paglaog kan remittances kan mga overseas Filipino workers ngunyan na kralasehan asin sa papaabuton na kapaskuhan.
