Nagdesisyon an Constitutional Court kan South Korea na ibalik si Prime Minister Han Duck-soo komo acting president makalihis na ibasura an impeachment case kontra sa saiya.
Sa desisyon kan korte, 7 gikan sa 8 mahistrado an nagkontra sa impeachment ni Han mantang saro sana an pumabor na ma-impeach an nasambitan ng opisyal.
Sigun sa 5 justices, an impeachment motion kontra ki Han ay maikokonsiderar na valid alagad mayo soboot bastanteng basehan tangani sana pahalion ini sa puwesto nin huli ta dae man nagbayolar sa konstitusyon o sa key kan South Korea na igwa nin kinaraman sa deklarasyon kan martial law o posibleng insurrection.
Mantang nagdesisyon man an 2 justices na an impeachment motion laban ki Han na nakatukaw na acting president kaidto, ay maikokonsiderar na invalid sa puon pa sana nin huli ta bigong maipasar sa parliament an mosyon makalihis dae maabot an kaipuhan na boto gikan man sa two-thirds kan mga lehislador.
Marurunduman na si Han an nagsalida sa na-impeach na Presidente kan South Korea na si Pres. Yoon Suk-yeol nin huli sa saiyang panandalian asin nabigong deklarasyon kan martial law kan nakalihis man na Disyembre 2024.
Alagad mayo pa nin duwang semana magpuon kan maluklok sa pwesto ay na-impeach si Han asin man sinuspender kan nakalihis na Disyembre 27, 2024 huli sa saiya soboot papel sa deklarasyon kan martial law asin man sa saiyang pagsayuma sa pagtatalaga kaidto kan tulo pang justices sa Constitutional Court na ma desisyon sa impeachment ni Yoon, rason kaya man inakusaran ini nin opposition kan pag ulang sa impeachment trial ni Yoon na saiyang kaalyado.
