NAGA CITY- Dai ngunian hinahali kan mga otoridad an posibilidad na samantalahon kan mga rebeldeng New People’s Army (NPA) an pagigin sibot kan kapulisan sa election period.
Sa entrevista kan Bombo Radyo Naga ki PSSupt. Cerilo Trilles, Provincial Director kan Camarines Norte Police Provincial Office (CNPPO), sinaysay kaining maski mayo pa man suboot sa sainda an mga watchlisted barangays alagad dai suboot mairirirong na igwang mga nangyayaring insurgencies sa ibang lugar.
Sigon ki Trilles, nagpepreparar na sinda sa ngunian katabang an Philippine Army tanganing masiyerto na dai makakahiro an mga rebelde kasabay kan election period.
Katakod kaini, nagpasalamat man an opisyal sa namamanwaan sa suporta asin pagtatao nin mga reports na nakakatabang sa operasyon kan mga otoridad.
Kun marurumduman, kan mga nakalihis na semana sana kan haros sunod-sunod an nairehistrong mga engkwetro sa pagultanan kan mga militar asin NPA sa nasambitan ng probinsya.
