Pinapatapos na kan Philippine National Police (PNP) an preparasyon para sa seguridad para sa ikalimang State of the Nation Address ni Presidente Ferdinand Marcos Jr. sa maabot na Lunes, Hulyo 27.
Segun sa hepe kan PNP na si PGen. Melencio Nartatez Jr., natapos na an comprehensive security plan para sa SONA asin yaon na sa huring yugto kan koordinasyon an mga units siring man an saindang mga rehearsals asin deployment para maseguro an ligtas, areglado asin matoninong na pagtiripon para sa gabos.
Enot nang sinabi kan PNP na maabot sa 20,000 na mga pulis an ipapadara kasabay kan taonan na State of the Nation Address kan Presidente sa pakikipagtabangan kan Armed Forces of the Philippines asin kan Philippine Coast Guard.
Nakikipag-koordinar man an mga awtoridad sa mga partner agencies asin lokal na gobyerno para maseguro an efficient na implementasyon kan security operations asin traffic management.
Katakod kan piglalaoman na gigibuhon na aksyon protesta kasabay kan SONA, nagpagirumdom an mga tawo na magpraktis nin maximum tolerance, magdanay na propesyonal, asin igalang an konstitusyonal na derechos kan lambang Pilipino.
